Sedela
maning nang mBanjarnegara garep ana acara Dieng Culture Festival - X, Sing
garep dilaksanakaken sekang tanggal loro tekan tanggal papat agustus rongewu
sangalas. Tempate ya isih ajeg nang Dieng Kulon. Banjarnegara ( nang sekitaran Candi
Arjuna ). Temane sing dhinggo taun iki judule " The Inspiration of Culture
" sing maksude sekang acara DCF iki bisa marakna inspirasi kabudayan kanggo
sekabehane.
Acarane
karo tahun sing owis - owis meh pada baen. Ana ritual nyukur rambut gembel, ana
ngeburna balon, ana jazz nang nduwur awang-awang, ana maning acara
gendhu-gendhu rasa kebudayaan lan dieng resik.
Nah, nang
tengah-tengah acara kuwe mau, uga ana acara " Pasar Rakyat Negeri
Kahyangan ". Acara iki sing nganakna sekang Kantor IndagkopUKM mBanjarnegara.
Ora ana liyane nek tujuan acara Pasar Rakyat Negeri Kahyangan kiye mau,
seliyane kepingin nambah marakna rame lan gemebyar acara DCF. Pasar Rakyat
Negeri Kahyangan kiye jane ya pada baen karo konsepe acara Gelar Produk UKM karo
Produk Nasional. Dadi pesertane ya selain sekang kelompok-kelompok UKM mBanjarnegara,
uga ana kang kota liya lan uga sekang perusahaan-perusahaan sing wis suwe
bermitra karo IndagkopUKM mBanjarengara.
Selengkape ana nang KENE >
Selengkape ana nang KENE >
